منتديات القـــــــــــ24ــــــــرشي
مرحبا بزائرنا الكريم .... واتفضل علي المنتدي

منتديات القـــــــــــ24ــــــــرشي

ثقافي ... اجتماعي ... شامل ... لكافة المواضيع والاحداث ... افراح واتراح
 
الرئيسيةالبوابةاليوميةمكتبة الصورس .و .جبحـثالتسجيلدخول
اللهم صلي وسلم وبارك وسلم علي محمد الصادق الامين نبي الاولين والاخرين ** *ودالانصاري* يدعوكم المشاركة في منتداكم العامر من اجل تطوير وتقدم 24 القرشي مرحبا بكم و منوريييييييييييييييييييين منتداكم العاامر
اهلا و مرحبا بك عزيزي الزائر صديق جديد بيننا في منتداكم العامر وبمشاركاتكم نرتقي

شاطر | 
 

 الابراج السودانية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هاشم أبعـــاااد
المشرف العام
المشرف العام
avatar

عدد المساهمات : 31
تاريخ التسجيل : 11/12/2009
العمر : 38
الموقع : السودان

مُساهمةموضوع: الابراج السودانية   الأحد أغسطس 08, 2010 2:11 am

الابراج السودانية


1

برج الكديس:- 25/12 الى24/1

الاسبوع دا زي الزفت معاك.... يتسرق موبيالك...من تحب يفكر ان يديك شاكوش.... لكن كضاب ما بيقدر داخل في ضفورو من كبابي الشربات السقيتن ليهو...





برج العتود 25\1 الي 24 \2





البتجي من السما تحملا الواطا الحرامي يسرق هديماتك كلهن....كن واطا ... وقوي...


علي صعيد القلب احدهم يفكر في ان يحبك لكنو مستني لحدي ما الملاريا تخليهو .. اصبر وتصبر وأديهو فرصة....





برج النعجة: 25\2 الي 24\3





حسادك كتار في نعلاتك الجديدة...مشكلة في طريقها اليك سببها الباقي الذي يحاول ان يزوق بيهو كمساري الحافلة.....


القلب: من تحب عندو فتاق في الصُرة داسيهو منك ...يحتاج الي تعاطفك... كن حنون...





برج الجراده: 25\3 الي 24\4





لا تحزن بنطلونك الوحيد وعاجبك يضيع عند المكوجي...القلب بالرغم من حرصك الشديد حبيب القلب يكتشف انك بتسف صعوط... نوصيك بالتبرير إنو ضرسك موجعك...





برج االجرو 25\4 الي 25\5





بوليص الحركة يقطعّك تلاتة ايصالات مخالافات بالرغم من انو انت ماعندك عربية كن صبورا والمؤمن مبتلى....


القلب: حدد بتريد منو؟ .. امك واللا مرتك.... واللا فلانة ديك؟... راجع فلم انف وثلاثة عيون....





برج النملة 25\5 الي 24\6





لاتنوم تحت الحيطة الغربية من بيتكم لانها ممكن تقع في أي لحظة....


القلب..حبوبة جيرانكم المخرفة تنشبك فيك وتفتكرك زوجها .. تعامل مع الموقف بحكمة واتوكل علي الله واعقد عليها!





برج الناموسة: 25\6 ال 24\7





الجاتك في مالكك سامحتك... لا تصدق لا سامحتك ولا حاجة وانت مفلس كدي....فنانك المفضل ياخد علقة في حي شعبي....


القلب زوجتك تكتشف علاقتك بست الشاي..... لتلافي الحرج ارفع شعار الشاي مضر بالصحة.....





برج ام سيسي: 25\7 الي 24\8





أبعد البستي كولا الحجم العائلي عن متناول يد جدك نفسو صغيرة وشرفان .. قد يتنفخ وربما يتلحس....


القلب علقة من أحدهم لأنك تشبه الخالق الناطق من ينافسه في الجيكس حقو..... أقبل إعتذاره و أعلم ان الدق قسمة ونصيب....





برج الضب 25\8 الي 24\9


رئيسك في العمل مكجنك وشاميك....تزيد كجنتو هذا الاسبوع...


القلب.... شكلة بينك وبين من تحب سببها صرفة الختّة..... خليك تفتيحة.....








برج التامبيرا 25\9 الي 24\10


هذا الأسبوع يتاورك الحِيبن مرة اخرى.... لا تكترث لنضم الناس امشي بالطريقة البتريحك.....


القلب كن وفيا لمن تحب لأنو ح تنقطع أضانو اليمين في حادث حركة .. وأعلم ان الحب في القلب وليس في الإضنين....





برج الجداده :- 25\10 الي 24\11


كلبتكم تلد ستة جريوات تفقدو اتنين منهن.... ركز علي جيرانكم في اليمين الخشم بابهم اخدر....


القلب : صدق حبيبك فانه سهر الليالي لانو في جندبة دخلت اضانو بالغلط .... احمد ربك انها دخلت الاضان....





برج ود أبرق 25\11الي 24\12





المال تلتو ولا كتلتو..... لكن كتلتو تصيبك....استعوض ربك ....


القلب:- من تحب الحمى تطلع ليهو في راسو وينضم برا من راسو ويحكي كل البينك وبينو ... شيل شيلتك....ونوصيك ان تبقى رقيقا.....



تحياتى

الرجوع الى أعلى الصفحة اذهب الى الأسفل
ودالعطشان

avatar

عدد المساهمات : 41
تاريخ التسجيل : 13/12/2009
العمر : 33
الموقع : كوسوفو

مُساهمةموضوع: رد: الابراج السودانية   الأربعاء أغسطس 18, 2010 5:20 am

لا تعليق
bounce bounce bounce bounce bounce bounce
الرجوع الى أعلى الصفحة اذهب الى الأسفل
 
الابراج السودانية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات القـــــــــــ24ــــــــرشي :: المنتدي العام-
انتقل الى: